‘माझी लाडकी बहीण’ योजनेच्या लाभार्थ्यांनी ई-केवायसी प्रक्रिया तातडीने पूर्ण करावी

‘माझी लाडकी बहीण’ योजनेच्या लाभार्थ्यांनी ई-केवायसी प्रक्रिया तातडीने पूर्ण करावी

• by Yogesh Bandagale
• September 20, 2025
• 189 views

मुंबई : महिला व बालविकास विभागामार्फत राबवण्यात येणाऱ्या मुख्यमंत्री माझी लाडकी बहीण योजनेत लाभार्थ्यांनी ई-केवायसी प्रक्रिया पूर्ण करणे बंधनकारक आहे. या संदर्भात विभागाच्या मंत्री आदिती तटकरे यांनी महिलांना तातडीने ई-केवायसी करण्याचे आवाहन केले आहे.

मंत्री तटकरे यांनी एक्स प्लॅटफॉर्मवर (Twitter) या प्रक्रियेची सविस्तर माहितीही शेअर केली. त्यांनी सांगितले की, “ई-केवायसी प्रक्रिया लाडक्या बहिणींच्या हिताची असून यामुळे सन्मान निधी वितरण अधिक सुलभ आणि सुसूत्र होईल.”

? ई-केवायसी प्रक्रिया कशी करावी?

1. https://ladakibahin.maharashtra.gov.in या संकेतस्थळावर भेट द्यावी.

2. मुखपृष्ठावरील e-KYC बॅनरवर क्लिक करावे.

3. आधार क्रमांक आणि Captcha टाकून Send OTP करावे.

4. मोबाईलवर आलेला OTP टाकून Submit करावा.

5. प्रणाली तपासेल की e-KYC आधी पूर्ण झाली आहे की नाही.

   • जर पूर्ण असेल तर तसा संदेश येईल.

   • नसल्यास पुढील टप्प्यात प्रवेश मिळेल.

6. पुढे लाभार्थ्याने पती/वडिलांचा आधार क्रमांक टाकून OTP प्रक्रिया पूर्ण करावी.

7. त्यानंतर जात प्रवर्ग निवडून आवश्यक घोषणा (Declaration) द्यावी.

   • कुटुंबातील कोणीही शासकीय कायमस्वरूपी कर्मचारी नसल्याची खात्री.

   • कुटुंबातील केवळ १ विवाहित व १ अविवाहित महिला या योजनेचा लाभ घेत असल्याची नोंद.

8. शेवटी “Success – तुमची e-KYC पडताळणी यशस्वीरित्या पूर्ण झाली आहे” असा संदेश दिसेल.